2015年8月23日 ~ 人生嘅另一個開始~~

成個孕期都無咩點打過blog.... 今日又再開始嚟過... 哈哈

2015年8月23日, 係我展開新一頁嘅開始, 我宣佈~~~ 登登登登~~ 
我升呢做媽咪喇~~
呢一日, 亦都係我咁大個女最痛嘅一日, 但係一見到小B, 幾痛都會唔記得喇~~

做咗媽媽一個星期喇, 每一日都好忙碌, 同埋會變做 panda
換片, 餵奶, 洗樽, 睇住佢入睡... 每3小時都重複一次咁啦...
可以休息嘅時間真係好少, 希望佢大D就會好好多喇~~
其實, 佢出世之後, 我已經好想做 FTM 喇, 不過, 老公話唔得, 我都係要返工...
唉, 其實真係會唔捨得架... 好想每日都睇住佢大, 不過都無計, 唯有之後辛苦D啦~~

小B現在每一日都有D可愛表情, 不過好多時都捕捉唔到~~
想影低都唔得 >.<

願小B健康快樂成長 ~~

遲來嘅晚飯 @ 小辣椒

今日又同BB有個約會喇, 去咗馮醫生度照結構, 佢今日好乖仔, 要照嘅地方醫生都睇到, 一切順利, 仔仔呀, 你要身體健康呀.. 知道嗎?

 

晚上同大少去睇Avengers: Age of Ultron, 感覺好似無之前咁好睇, 好似差咗D野咁...

睇完都成9點幾10點喇, 我地返去屋企附近搵食...

結果我地去咗成日都經過但未食過嘅小辣椒喇...

 

小辣椒炒飯, 好夠份量架, 2個人每人2碗多D

 

鮮椒乾豆角炒肉絲, 呢個好惹味, 不過真係好辣呀...

 

食完之後, 我又愛上咗喇, 現在唔可以返大陸食野, 好耐都無食過川菜喇, 現在有呢間可以頂住, yeah ~~

 

 

放工鬆一鬆 @ Spa L'occitane 灣仔星街, 要嘆吓先~~

 今日放工, 去 Spa L'occitane 灣仔星街旗艦店做孕婦按摩, hehe... 全日都好期待架...

因為身體好疲累, 好想去按摩, 但因為有咗仔仔, 唔可以去普通個D按, 所以豪一次比自己啦..

 

去到, 個門口係側邊嘅, 入到去要上一條長樓梯, 上完都有少少氣喘架, 之後有個staff 見到我係孕婦就比杯水我, 如果唔係就會比茶嘅, 坐底咗都要填返D資料, 因為我係第一次去, 填好晒就入房喇....

 

換好衫之後, 按摩師會先同我洗一洗雙腳, 之後就上床喇.

佢張床係特別D架, 因為孕婦爬係度會有D難同唔舒服, 所以, 佢張床除咗頭部, 個肚位都有個洞架, 咁個肚仔就唔洗頂住又可以爬低比佢按喇... 細心之處呀.. 全個過程都幾舒服架, 除咗個肚位, 其他都有按到, 因為我個肚仔未算好大, 所以佢話唔好按住, 等佢再大少少先按.

 

其實我本身對按摩有少少期望, 因為我覺得自己好腫呀, 想去一去水, 唔知按摩可唔可以有D幫助, hehe... 結果按完, 感覺鬆咗D, 因腫應該唔太見效... 哈哈, 唔通我唔係腫而係肥??

 

 

 

 

 

 

 

 

 

 

Relax 完, 大少嚟接我去食飯, 係佢行嚟接我個時, 佢留意到船街一間好似唔錯嘅餐廳 Double Tree, 於是我地就決定試下喇, 一個跟餐, 一個散叫. 先嚟一個牛角包同雜菜湯.

 

 

雜菜湯味道唔錯呀..

 

 

呢個係我叫嘅雜菌焗豬扒意粉, 好好味呀, 我好滿意... 哈哈

 

呢個係大少嘅牛扒意, 不過, 普通咗D...

 

總括嚟講, 都算唔錯嘅地方, 我地應該會再嚟嘅... 因為個焗意粉, 真係好好味... 哈哈

一食便愛上嘅 Honey Tong Tong

感謝 Sherry 小姐幫我係家鄉帶佢返嚟, 係香港見到有得買都好貴呢....
開咗之後, 唔洗廿分鐘就同大少 KO 咗成包喇... wahahaha...

 

幾時可以飛去買多一兩包呢? hehe

 



兩日澳門嘆世界~~

今個假期, 唔可以飛, 所以就近近地嚟澳門飲飲食食, hea 吓...

今次我地住金沙城嘅 Conrad, 真係好唔錯呀, 間房夠晒大, 有TV房, 有廳, 有睡房, 個 toilet 仲好大添, 正呀....

 

　
 

 

 

 

 

官也街嘅貓屎 coffee, 大少話要試下喎... 

 

飲完 coffee 我地返酒店個泳池 hea...

大少游水我就陽光浴, 仲用60蚊叫咗客薯角食, 哈哈, 嘆呀 ~~

 

 

 

 

見人排隊, 我地又唔執輸, 食一次啦... 每碗45蚊..

同枱嘅4位姨姨先後共叫咗7煲仔.... 每煲比我地個碗大好多架..

 

 

黑沙海灘嘅燒燒燒, 好味...

 

 

 

 

 

 

漫遊路環~~~

 

 

 

 

食完呢個就返屋企 lu....

 

其實仲有其他野食, 不過無影相, 哈哈.... 

假期嘅第一日~自家制梅酒

今日係五日長假嘅第一日, 好充實呀!
首先去水果店買青梅, 又去買餸, 之後同大少去睇舖，唔覺唔覺就行咗幾個鐘, 累c我lu...

之後返屋企煮飯, 再嚟今晚重頭戲, 自制梅酒, 做法好簡單

 

其實網上都有好多食譜可以參考下, 以下係我自己嘅做法, 無特別跟足一個~

首先用鹽將梅子表面有些細毛毛輕擦之後, 用水洗浸下佢地, 大約浸1小時之後再過水洗2次

之後, 用牙籤去除個蒂部, 再洗一洗, 再用牙籤係梅子上吉幾下, 等D梅味易出D

之後就風乾佢....

 

玻璃瓶, 先用滾水消毒再風乾, 整個浸酒過程, 唔可以有水氣架, 如果唔係就會易發毛架喇...

 

至於酒方面, 我選用咗日本清酒, 因為怕雙精太強烈喇.. 哈哈...

因為第一年浸, 未知味道會如何, 希望美味可口啦 ~~

 

 

 

 

以下係網上搵到嘅少少資料, 詳細D嘅可去Yahoo search 下:

 

梅酸能幫助減少疲勞感, 其高度酸性可以幫助消化, 促進食慾的效果也不錯。

梅子嚐起來是酸的, 其實是屬於鹼性食品. 健康的人血液經常保持弱鹼性.

但是疲勞, 疾病甚或肉類吃多時血液則成酸性, 影響新陳代謝的正常功能, 致使體內氧氣降低, 食物 (營養素) 不能完全燃燒, 導致乳酸 (疲勞素) 累積.

 

酸梅裡頭的天然梅酸具有調節生理機能的效果, 故常吃酸梅 (或飲梅酒) 有助養顏美容, 青春永駐.

喝梅酒對身體的好處是梅的果實含豐富的物質如蛋白質, 脂肪, 醣類, 纖維, 維生素Ａ, B1, B2, Ｃ, 鈉, 鉀, 鈣, 磷, 鐵, 有機酸如檸檬酸, 蘋果酸, 琥珀酸, 谷甾醇, 蠟樣物質及齊墩果酸樣物質.

 

傳統飲食養生提到, 春季飲食宜甘、少酸; 夏季宜酸、宜苦; 秋季少辛、多酸; 冬季宜辛、肉類. 可知, 酸味 (含有機酸) 食品, 只要使用得當, 對於幫助飲食消化吸收後的增進健康、改善體質、增強體力、提高免疫能力、預防疾病、延緩老化、抗病防癌或減肥、美容等方面具有特色.

 

在任何季節, 多用酸味的食品或當調味用, 則梅子是一種非常實用且值得長期利用的保健食品.

梅子酒：治療骨刺，風濕痛，寒症，腎臟病 

放低咗好長時間, 終於回來喇 ~~~

對上一偏 blog 文都真係好耐喇... 我太懶喇... 

今日已經係 15年4月1日喇, 哈哈, 又想勤力返
呢半年嚟嘅轉變, 都唔少架~~ 因為肚入面有個小寶寶, 轉眼間已經4個幾月喇, 時間過得真係快~ 不過, 個肚都未算好大, 但都已經睇得出架喇.
上兩個星期, 突然 feel 到肚入面有D野篤篤下,唔知道係唔係小寶寶係度叫我, 因未知道胎動究竟係咩感覺, 所以, 都當係先啦, 哈哈

一切都感覺好奇妙呀, 每次睇醫生都可以睇到佢手仔腳仔唔停咁揮動, 佢都算幾活躍架
一個人仔係肚入面, 係悶D架喇, 所以佢要自娛一下, 哈哈, 記得得閒細細力叫下媽媽喇~~ kaka
嬰兒用品, 選擇實在太多喇, 應該點選擇好... 有排睇lu ~~

自從有咗小寶寶之後, 我做得最多嘅係瞓~~ 哈哈, 大少都話我, 平時都唔識叫累, 好少瞓, 現在就成日做豬咁.
其實, 每日返工放工都好累架, 有時仲要煮飯, 咁得閒有得瞓就當然補充下啦... 我唔瞓, 小寶寶都要瞓架 ~~
野食已經好多唔食得, 如果連瞓都唔比... 點可以架~~