2016年4月8日 星期五

仔仔已經 7 個幾月喇~~~

時間好似過得好快咁, 轉眼仔仔已經 7 個幾月喇, 現在食粥仔, 識反轉身, 開始認得人, 成日大叫, 鐘意抓野, 踢野, 間唔中賣萌, 扮可愛 ^0^
無人理佢個時, 佢會叫你地, 鐘意玩多過瞓, 朝早瞓醒, 會 er er 叫 或者打床仔掛住嘅啷啷, 話你知我起身喇~如見你仲瞓緊, 唔理佢, 會繼續 er 你, 直到你醒為止~~
晚上開飯個時, 有時佢唔鐘意自己食粥仔先... 要同大人一齊係枱, 一齊食~~ 佢食粥仔, 我地食飯~~
寶貝嘅所有進度, 作為媽媽嘅我, 真係唔想錯過~~~
好幸運, 我有個好媽媽同爸爸, 幫我湊仔仔, 我可以繼續返工, 唔洗擔心.