Merry Christmas !!!

今日係婚後第一個聖誕節, 雖然平淡咁渡過, 但感覺好滿足呢...
去完honeymoon後, 一篇文都未出過, 嚟緊呢幾日, 要補返先得...
仲有D hea 相... 哈哈哈...

Yeah!! 2級 Pass~~~

終於等到今日喇, Topik 考試成績公佈....
登登登登~~~~ 2級合格 ^0^ 好開心呢... 要慶祝下先得... yeah yeah

開心嘅事過後, 就唔舒服喇... 下午開始就喉嚨痛喇... 唉...

話說, 其實我都好易喉嚨痛, 究竟係天氣乾燥, 定係我熱氣呢?

呢排, 公司都好忙, OT 又出現喇... 過多一星期, 就係我個悠長假期喇!! (La la la la la la la la) 放到下年3號先返工喇.. 呵呵呵!!

超期待呀!!

終於等到喇.... 成績明早會出現....

韓文考試結果, 聽日終於都出喇, 心情好緊張, 究竟, 我會唔會得到想要嘅成績.
一直都有擔心, 可能, 信心不太大, 自己都有重申做過一次份卷, 成績唔算十分之理想. 係要求有點高嗎? 其實都唔係, 又可能做 past paper 嘅時候, 有D唔錯嘅分數, 因而令自己錯覺, 應該可得到唔錯的成績嗎?

亞sir都覺得唔洗太擔心, 應該無問題, 可是... 心裡一直都好唔安落呢...

好耐都無試過咁緊張自己嘅成績. 其實, 對我嚟講都有D古怪架!!

究竟, 點解會咁呢?
究竟, 成績如何呢?

想念~~~

今日, 有D掛住屋企, Daddy, Mami, 掛住媽媽嘅餸菜, 自己張床, 平時對得最多嘅電腦.

又諗起第日, 當我有自己嘅仔女, 長大咗, 都一樣有佢地自己嘅家庭, 搬出去生活!!

我... 真係想得太遠了.... XDD

休閒星期天~~~ 唱歌&睇戲 ^0^

今日好休閒,  起身之後同老公去咗"紅先生" 唱 lunch K. 其實佢開咗咁耐, 第一次去咋, 真係out呀... XDD

先講野食, 今日lunch都幾好味, 我地叫咗一個炒鳥冬, 一個焗豬扒飯, 個餐有個湯, 甜品仲有飲品, 價錢分別係 $65-85 不等. 時段係11點到3點, 我地12點幾先到, 所以都係唱到3點咋, 仲好準時 cut 歌添.

另外, 佢有好多韓文歌唱架, 雖然唔係好識唱... 聽就聽得多, 但真係去唱嘅時候, 其因為D歌都係快歌為主, 未必唱得到.. 哈哈.

唱完之後, 我地就去咗 Times 間新 UA (其實唔新, 係由地面搬咗去上面13樓)
好貴, 一張飛要$120 呀, 叫埋爆谷餐, 埋單要 $ 307..  不過, 個爆谷好味咗. 今日睇肌餓遊戲, 都唔錯, 幾好睇, 緊張!!

之後, 我地去築地食拉麵作為今日嘅結尾!

是日大滿足呀!!

梁太廚房開咗喇~~~

其實, 做女個時, 真係好少下廚, 煮個d都係甜點/間單野.
現在, 唔同喇, 放工後, 要做煮飯婆, 要努力煮多D呀!!

梁太廚房開始出菜喇, 哈哈
初步已成功出廚房嘅有蛙蛙菜粉C煲, 蕃茄薯仔湯, 蘿蔔粟米三文魚炒飯, 蒸魚, 蒜香炒雜菜, 黑椒蜜味雞翼 (老公話超好味, 呵呵), 韓醬肉片炒雜菜, 鮮茄靚菌湯鳥東... (圖片日後補上)

基於, 我家大少唔鐘意日日都食肉, 所以, 會好明顯見到菜多過肉, 又或者係無肉餐單... 係唔係好健康呢? 少酒少咸少糖, 但係, 每次個飯煲都無清晒D飯, 究竟, 我幾時先可以帶飯呢? 真係煮幾多, 就食幾多喎....  不過, 都開心嘅, 大少餐餐兩碗飯, 一定夠飽, 唔會餓死老公..   哈哈哈~~~

開始咗人生另一階段喇....

終於都忙碌完喇, 已經開始咗我人生嘅另一階段..

每一日都過住好充實嘅日子, 返工, 放工, 買餸, 煮飯, 洗衫... 搞掂晒都已經好夜喇, 平時我習慣嘅煲劇晚上, 已經無咗lu... 不過, 希望日子耐咗, 習慣了, 時間可以慢慢再調節返啦.

好多人問我, 點解唔即刻去honeymoon, 其實, 因為公司亞姐唔想我一個月請咁多日假, 結婚一星期, 去旅行又2星期, 不過, 查實我嚟緊12月都係放好耐架, 都有大半個月架, 呵呵呵呵!

希望, 嚟緊嘅日子, 我可以返嚟呢度, 將多D生活點滴通通記錄底.. hehe

P.S. 有無人可以教我點樣可以將ym blog嘅備份, 轉嚟呢度呢?

成為太太的晚上~~~

今日, 係我展開人生新一頁嘅日子

好感激所有兄弟姊妹嘅幫手, 今日先可以順順利利

好多謝 MC Mi & Tom, 你們令現在氣氛十分之好

好多謝 Yvonne & Karey, 辛苦你地喇, 一早嚟幫各人化個靚妝

好多謝 Picasso 嘅 Ruth 同另外兩位攝影師, Ruth, 我期待睇你影個張開大腳趾相, 究竟係咩 feel...

好多謝我嘅一班同事們, 你地咁早就嚟到, 點都會記得我地係同一個 family 架, yeah!!

친구야, 오을 많이 고마워요.

最後, 好多謝 Daddy Mami 咁多年嚟嘅愛護.

以上呢一番說話, 係晚宴時候, 因為知道自己一定會喊, 所以, 我無親口同你地講.

今日起, 我成為"太太"了...

日子將近~

距離大日子, 仲有2個月左右, 但無恆心嘅我, 體重依然係不變.. 點搞呀....

唔通, 真係要地獄式瘦身? 另一方面, 最後面上豆豆多咗, 好完又出過, 令人困擾, 點算點算點算? 係唔係天氣太熱, 唔開冷氣, 熱到谷晒D豆豆出嚟呢?

 

另一個日子, 仲快到... 就係 Topik

嗯, 呢個會緊張少少, 畢竟係 N 年咁耐都無再考過試

而做 past paper, 得分都唔太理想, 特別係寫作, 如果出嘅題目, 諗嚟諗去都唔知點寫, 就一定肥佬喇! 唔算係勤力嘅我, 真係要出多D力去溫習同做多D past paper 了...

究竟, 應該搬嚟呢度嗎?

呢2日都苦惱緊, 好唔好將之前嘅 blog 文都搬晒嚟呢度, 定係係度從新開始呢?
搬 blog 需時, 而且, 暫時我都未知係唔係會繼續留用此地.. 哈哈
點解?  好簡單, 因為我仲未識用囉, 난 바보입니다. ㅋㅋㅋㅋ

9月新開始.... 我要搬 blog 了~~~

點解我會搬呢? 因為... 之前個 blog 要關門大吉... 所以要走人
點解搬嚟呢度呢? 其實, 暫時未知係唔係長期留係呢度, 因為未清潔呢度個運作, 需要多D時間去睇下點用呢.

Anyway, 希望, 一切順利, 我會慢慢熟悉呢個地方, 鐘意咗呢個地方.