忽然 Tea 一 Tea, 去嘆下 Coffee

 今日, 無咩地方去, 於是同大少去咗嘆 Coffee

我地去咗CWB間 Coffee Academics

 

呢杯係我嘅 Latte, 個花好靚呀..

 

呢杯係大少嘅 Ice Mocha

 

 仲有我最愛嘅薯條一罐, 哈哈哈~~~

 

其實, 呢度已經開咗一段時間喇, 今日係我第一次嚟, 店外店內, 設計都唔錯, 有古舊feel, 我地大約6點幾嚟到, 都已經好多人客喇, 好彩有位.

呢度有人傾計, 有人帶住部notebook嚟做野... 感覺唔似係HK架...

是旦煮嘅午餐！

 由於尋晚太夜瞓, 今早又唔想落街, 所以, 是旦咁將雪櫃有嘅野, 煮咗佢.. 哈~~

有一個薯仔同仲有D豬肉碎, 所以, 就將佢地加半隻辣椒炒埋一齊, 好惹味呀~

 

香辣肉碎炒薯絲

 

杞子雲耳蒸雞翼

 

呢個故事叫我, 點都要留D餸菜係雪櫃呀, 因為隨時都有D野可以煮下..

 

 

又係睇世界盃嘅宵夜時間！

 因為有咗小米盒, 我們就可以睇波喇..

開枝紅酒, 再加韓國小雞脾(不過無味架), 仲有嚟自阿信家嘅火腿, 唔貴, 都幾抵食架..

不過, 今次之後, 同大少一致認為, 三文魚+酒會好味D囉... 哈哈

 

初試新菜式，美味香煎豆腐餅！

今日, 心情不錯, 因為想整新菜式... hehe..

有D緊張, 希望唔會失敗啦...

 

香煎豆腐餅, 材料有豬肉碎, 豆腐, 芫茜蔥, 全部碎上架,

先將豆腐變成蓉, 之後將豬肉同芫茜蔥都加埋落去, 因有d稀, 所以加咗D粟粉.

好喇, 慢慢煎到兩面都金黃色就可以喇, 味道的確唔錯, 大少都讚架.

 

慢慢煎佢

完成喇~~

 

今晚仲有正菜, 靚甜菜芯

 

 

最近, 就係仲有個蕃茄湯, yummy~~

清潤嘅蜂蜜檸檬

 今日新搞作, 整咗清潤嘅蜂蜜檸檬.

檸檬嘅好處都幾多架, 可以平衡體內酸鹼值, 仲有大量維他命C, 更可以強化免疫系統.
仲可以幫助消化, 減肥, 美白, 抗氧化等等功能. ^0^

 

今次買咗5個檸檬, 現在D檸檬真係貴, 4蚊一個囉... >-<

不過, 最後只用咗4個咋 ^^

 

仲有嚟自巴西嘅有機蜂蜜

 

最後嘅制成品, 其實一日後都可以飲架喇, 如果想好飲D, 就3日後先開嚟飲喇.

記住, 唔好加熱水呀, 因熱水會令蜂蜜失去原有嘅營養.

 

晚上嘅清烏冬

 今日, 同老公去做抽血檢查, 所以早退兩小時.

抽血, 好痛呀... 仲要失敗, 因姑娘搵唔到我D血管, 下星期再去過...

oh 兩個針孔, 左右各一個, 希望聽日唔會"魚" 啦...

 

之後, 去咗298買返2隻新 mouse

 

今晚, 老公有約, 我只好自己返家開飯... 一個人, 清清地煮咗個節瓜涼瓜肉片湯烏冬, hehehe...

有時, 清淡D都唔錯呀, 甘甘地嘅涼瓜... i like it~~

 

我嘅夢想~~~

最近, 一直都為夢想而努力, 希望, 自己會成功.

不過, 有時會灰心咁諗, 我究竟會唔會做到呢?

 

學歷唔高嘅我, 認識唔多嘅我, 只係打算用心去做, 用心待客, 係唔係一定會有回報呢?

 

嚟緊, 為夢想再一次出外"工幹", 希望, 所有野都會順利.

 

7月係我個目標, 我要加油呀~~~

 

因為自己嘅夢想, 對本身嘅工作, 有點內疚, 因為我滿腦子都係"夢想".

 

做人有夢想, 係唔係都一定可以成真呢?

星馬蝦麵@上環

 今日放工同老公去咗信德, 本想睇下D package 去澳門, 呢個 long weekend 可去抖下

不過, 現在信德似係比自由人攻陷咗咁, 周圍都係佢地, 仲坐埋係地下, 路都無得點行...

現在去澳門, 平均D房價無1500-2500 都落唔到樓, 仲有船票同稅...

結果, 我都地係決定走!

 

肚餓, 去搵食, 我地行返出去, 再向內街行, 去咗呢度"加東叻沙蝦麵" 食蝦麵.

店內唔算大, 食客都唔算少, 仲有外籍人士

我地只係叫咗2樣野....

 

 

老公叫嘅米暹

 

我嘅正宗蝦麵, 湯底不錯, 好夠味架.. 

 

食飽就好滿足咁返屋企喇...

火星廚房是日menu

今日, 一早起身就去咗做運動喇, 出完一身汗就返屋企煮飯, 即係繼續出汗...

希望, 我真係會愛上咗運動啦, 我好想狠狠地瘦一次呀...

 

今日午餐有例湯: 青紅蘿蔔煲豬展, 蒜頭豆豉涼瓜炒瘦肉, 青炒旺菜 (不過加咗半隻辣椒), 正

 

 

 

食飽飽, 洗好晒野, 我地就出去喇, 其實無咩目的地, 不過去咗灣仔, 結果, 老公帶咗佢返嚟..

 

 

不過, 我地試咗幾個鐘, 好多野都睇唔到, 唔知佢係唔係壞咗, 但電影就無問題, 係我D韓劇同綜藝...  :( 

雲南菜@太古

今日放工之後, 去咗太古會合老師, 就去搵食喇, 大少同我去咗太古城嘅"阿詩瑪壹菌", 食雲南菜!  地方裝修好中國feel架, 我地叫咗四個餸, 全部都唔錯架, 不過每碟份量唔多, 而價錢貴咗DD咁啦!

 

 

佢本Menu 

 

食店內裝修擺設

 

 

前菜小碟

 

香醬涼茄子, 少少甜少少酸幾好味架.

 

好爽口嘅惹味薯仔絲

 

我鐘意嘅酸菜魚, 叫咗少辣, 點知變咗唔辣  =.=''

 

昆明小炒皇, 好多油呀... 不過都幾香幾好食 

 

食飽飽行街個時, 係運動鋪買咗個籃球, 其實3個星期之前, 老公話不如買嚟打囉, 不過搞到尋日先買到咋... 所以我地就飛返屋企換衫去球場, 不過, 行咗3個場囉... 因太多人打波喇... 哈哈

今日好健康, 出咗一身汗, 正~~

終於有私家枱喇 *^O^*

Hehe... 今日, 我終於有一張似樣少少嘅私家枱喇, 只係$59.9 仲係粉紅色添, 好輕.

其實我想要紫色架, 不過無, 得藍同粉紅, 而藍又無貨, 咁老公就話 "要粉紅色啦, 你都  鐘意粉紅色架ma, 一陣去另一間睇都係無就白行喇... 而且佢唔貴, 無咩所謂啦." 就係咁我就帶咗佢返嚟喇. 係 sofa 玩電腦, 舒服好多喇... 美中不足嘅係放咗電腦就唔可以放書, 無計啦, 屋企細... 遲下有多少少地方, 就一定要買返張大少少嘅書枱... 呵呵... ^0^

 

其實, 粉紅色都幾靚呀...

 

大大八爪魚牛肉煱@灣仔

今日去同Ada去咗位於灣仔嘅韓國館, 兩個人叫咗個八爪魚牛肉辣煱, 起初被名字欺騙咗, 其實呢個煱係唔辣架, 落單之前問咗職員. 前菜有八少碟, 不過, 差不多食晒個煱先到. 大大隻八爪魚就係咁比職員剪開, 牛肉份量都好多, 仲有年糕, 菇類, 菜同粉絲. 結果我地食淨左三分二. 兩個都超級飽. 食店地方唔細架，食客都唔少亦有韓國人幫襯. 多人的話, 可以再嚟過！ 因為D野都幾大碟, 要多D人先可以食得多D款式.

 

太懶喇... 離棄咗呢度好耐....

太懶喇, 對上一次寫blog已經係好耐之前嘅事....
現在又想再一次, 重申寫野... 哈哈

最近, 開始將自己其中一個夢想實現, 多謝老公嘅支持, 夢想開始見到50%喇...
希望, 慢慢就會變成60% 70% 80%.... 100%達成!!

另一樣野, 老公投訴, 點解婚後我會愈來愈脹, 唉, 其實都唔想...
可是我地兩個都係一樣, 不停地變做肥豬, 哈哈
所以, 我已經 join 咗 fitness first, 就係屋企附近, 希望, 我可以慢慢愛上呢個地方, 慢慢瘦返D...
如果, 比我"狠狠地"瘦落嚟, 一次, 一次就夠喇... 20磅, 要求唔算多呀, 應該唔算貪心喇...

努力, 加油!!