咳到 C C 吓... =.=""

呢幾日, 朋友仔氣管敏感又出嚟同我聚舊喇~

我好想同佢講, 後會無期... 不過... 暫時未得...

前晚放工係鴻福堂買咗川貝枇杷葉鱷魚肉湯, 飲完好似好咗少少, 自我感覺良好...

今朝返工個陣, 買咗2包...  返到公司, 叮一叮只係 2分鐘, 好方便架~ ^0^

x

鴻福堂~川貝枇杷葉鱷魚肉湯

仔仔已經 7 個幾月喇~~~

時間好似過得好快咁, 轉眼仔仔已經 7 個幾月喇, 現在食粥仔, 識反轉身, 開始認得人, 成日大叫, 鐘意抓野, 踢野, 間唔中賣萌, 扮可愛 ^0^

無人理佢個時, 佢會叫你地, 鐘意玩多過瞓, 朝早瞓醒, 會 er er 叫 或者打床仔掛住嘅啷啷, 話你知我起身喇~如見你仲瞓緊, 唔理佢, 會繼續 er 你, 直到你醒為止~~

晚上開飯個時, 有時佢唔鐘意自己食粥仔先... 要同大人一齊係枱, 一齊食~~ 佢食粥仔, 我地食飯~~

寶貝嘅所有進度, 作為媽媽嘅我, 真係唔想錯過~~~

好幸運, 我有個好媽媽同爸爸, 幫我湊仔仔, 我可以繼續返工, 唔洗擔心.

晉仔 ~ 初次試食固體食物

唔經唔覺, 晉仔已經6個月喇, 可能比固體食物佢~
買咗一盒 HIPP 嘅米糊返嚟, 比佢試下~
第一次, 唔敢整太多, 一陣佢唔食, 就浪費喇~~

佢一邊食一邊 yum yum yum 咁聲, 好可愛呢... 係唔係佢鐘意呢?

開始加固, 要用 High Chair 喇, 不過, 仲未安排.. 哈哈
希望佢會乖乖坐係 High Chair 食野啦~

嘩～～～～太懶喇， 可以勤力D嗎？

原來已經就快半年無落筆喇，不得了，我講過咩㗎！！！

囝囝都快半歲喇，呢段期間其實有好多野可以寫，不過我太懶喇，點做一個blogger呢？ 

😂😂😂😂


現在已經夜深喇，都係聽日繼續😆


😴😴😴😴😴

3人行的情人節~~~

今次, 有大小情人一齊過, 我地去咗 AIA 嘉年華, 由於帶埋囝囝去, 所以我地無玩到任何機動遊戲,場內好多人呀, 好彩都玩到攤位, 拎到幾隻公仔咁啦~

之後我地去咗中環個 LED 玫瑰色海, 好靚呀... 又係勁多人, 同老公之前係韓國已經睇過喇

囝囝睇到眼定定, 可能佢鐘意睇燈啦, 人仔細細, 對光有興趣~~

情人節套餐唔啱我, 我地去咗 ‘品越越式料理’食晚飯, 每個餸都等好耐, 唔知仲以為食緊法國餐呀~~ 叫咗串燒雞, 炒金邊粉, 馬拉盞炒芥蘭

總括嚟講, 味道同服務都只係一般~

2015年8月23日 ~ 人生嘅另一個開始~~

成個孕期都無咩點打過blog.... 今日又再開始嚟過... 哈哈

2015年8月23日, 係我展開新一頁嘅開始, 我宣佈~~~ 登登登登~~ 
我升呢做媽咪喇~~
呢一日, 亦都係我咁大個女最痛嘅一日, 但係一見到小B, 幾痛都會唔記得喇~~

做咗媽媽一個星期喇, 每一日都好忙碌, 同埋會變做 panda
換片, 餵奶, 洗樽, 睇住佢入睡... 每3小時都重複一次咁啦...
可以休息嘅時間真係好少, 希望佢大D就會好好多喇~~
其實, 佢出世之後, 我已經好想做 FTM 喇, 不過, 老公話唔得, 我都係要返工...
唉, 其實真係會唔捨得架... 好想每日都睇住佢大, 不過都無計, 唯有之後辛苦D啦~~

小B現在每一日都有D可愛表情, 不過好多時都捕捉唔到~~
想影低都唔得 >.<

願小B健康快樂成長 ~~

遲來嘅晚飯 @ 小辣椒

今日又同BB有個約會喇, 去咗馮醫生度照結構, 佢今日好乖仔, 要照嘅地方醫生都睇到, 一切順利, 仔仔呀, 你要身體健康呀.. 知道嗎?

 

晚上同大少去睇Avengers: Age of Ultron, 感覺好似無之前咁好睇, 好似差咗D野咁...

睇完都成9點幾10點喇, 我地返去屋企附近搵食...

結果我地去咗成日都經過但未食過嘅小辣椒喇...

 

小辣椒炒飯, 好夠份量架, 2個人每人2碗多D

 

鮮椒乾豆角炒肉絲, 呢個好惹味, 不過真係好辣呀...

 

食完之後, 我又愛上咗喇, 現在唔可以返大陸食野, 好耐都無食過川菜喇, 現在有呢間可以頂住, yeah ~~